၂၀၁၁-နေ့စွဲများ

ဗုဒ္ဓဘာသာနှင့်ပါဠိစာပေသင်ကြားရေးတက္ကသိုလ် 
(BPU)လမ်းညွှန်

          ဘီပီယူ (BPU)-ဟု အတိုကောက်ခေါ်သော ဗုဒ္ဓဘာသာနှင့် ပါဠိစာပေသင်ကြားရေး တက္ကသိုလ် {Buddhist and Pali University of Sri Lanka}-ကို ၁၉၈၁-ခုနှစ်တွင် အကောင်အထည်ဖော်ခဲ့ပြီး၊ ၁၉၈၂- ခုနှစ်တွင် ပညာသင်ကြားရေးကို စတင်ခဲ့သည်။ ပင်မ တက္ကသိုလ်အပြင် ဘွဲ့လွန်ကျောင်းခွဲတစ်ခုလည်း ရှိသည်။

ပင်မတက္ကသိုလ် (Main Campus)သည် ကိုလမ်ဘို မြို့တော်မှ ၂၈-ကီလိုမီတာခန့် အကွာ ဟောမဂါမမြို့နယ်၊ ပိတိပနရွာတွင် တည်ရှိသည်။ ဤတက္ကသိုလ်၏ အခွဲဖြစ် သော ဘွဲ့လွန်လေ့လာရေးဌာန(Postgraduate Studies)မှာ ကိုလမ်ဘိုတက္ကသိုလ် (University of Colombo) အနီး၊ ကိုလမ်ဘို(၇)တွင် တည်ရှိသည်။ ပင်မတက္ကသိုလ်တွင် Under Graduate-အတန်းများကို သင်ကြားပေးပြီး၊ အခွဲတွင်မူ Post Graduate-အတန်းများကို သင်ကြားပေးသည်။

သီရိလင်္ကာနိုင်ငံတွင် BPU-တက္ကသိုလ်သည် ပါဠိနှင့်ဗုဒ္ဓစာပေများကို အဓိကသင်ကြားပို့ချပေးသည့် တစ်ခုတည်းသော တက္ကသိုလ်အဖြစ် စတင်တည်ထောင်ချိန်မှစ၍ မကြာသေးခင်နှစ်များအထိ တစ်နည်းပြော ရလျှင် {Sri Lanka International Buddhist Academy (SIBA)}ကို မဖွင့်လှစ်သည်အထိ ရပ်တည်ခဲ့သည်။ အခြားတက္ကသိုလ်များမှာ ဗုဒ္ဓစာပေလေ့လာရေးကို ဌာန (Department)တစ်ခု အဖြစ်သာ ထားရှိသည်။ ထူးခြားသည်မှာ သီရိလင်္ကာရှိ တက္ကသိုလ်တိုင်းလိုလိုတွင် ဗုဒ္ဓစာပေလေ့လာရေးဌာနများ (Buddhist Studies) ထားရှိခြင်းဖြစ်သည်။

 ဤတက္ကသိုလ်၌ သင်ကြားပို့ချရာတွင် စင်္ဟာလနှင့် အင်္ဂလိပ်ဘာသာစကားတို့ကို ကြားခံဘာသာ (Medium)အဖြစ် အသုံးပြုသည်။ ယခုနောက်ပိုင်းတွင်မူ ကိုးရိးယားဘာသာစကားကိုပါ ကြားခံသင်ကြား သည့် ဘာယာအဖြစ်အသုံးပြုကြောင်းသိရသည်။

သင်ကြားမှုဌာနများနှင့်ပတ်သက်၍ BPU-တက္ကသိုလ်တွင် မဟာဌာနကြီး(Faculty) နှစ်ခုရှိသည်။ ယင်းတို့မှာ-

၁။ Faculty of Buddhist Studies

၂။ Faculty of Language Studies-တို့ဖြစ်ကြသည်။

၁။ Faculty of Buddhist Studies (ဗုဒ္ဓဘာသာလေ့လာရေးဆိုင်ရာ မဟာဌာနကြီးအောင်တွင် ဌာနခွဲ(Department) လေးခုရှိသည်။ ယင်းတို့မှာ-

(၁) Department of Buddhist Philosophy

(၂) Department of Buddhist culture

(၃) Department of Religious Studies and Comparative Philosophy

(၄) Department of Buddhist Arts and Archaeology-တို့ဖြစ်ကြသည်။

၂။ Faculty of Language Studies (ဘာသာစကား လေ့လာရေးဆိုင်ရာ မဟာဌာနကြီး အောက်တွင်လည်း ဌာန(Department)များ ရှိသည်။ ယင်းတို့မှာ-

(၁) Department of Pali

(၂) Department of Sanskrit

(၃) Department of Sinhala and Modern Languages

(၄) Department of English

(၅) Department of Korean- တို့ဖြစ်ကြသည်။

BPU-တက္ကသိုလ်တွင် တက်ရောက်နိုင်သည့် ဒီပလိုမာနှင့်ဘွဲ့တို့မှာ-

(၁) Undergraduate Diploma

(၂) Postgraduate Diploma

(၃) Bachelor of Arts {(B.A, General)} နှင့် {B.A (Special)}

(၄) Master of Arts (M.A)

(၅) Master of Philosophy (M.Phil)

(၆) Doctor of Philosophy (Ph.D)-တို့ ဖြစ်ကြသည်။

အတန်းအသီးသီးအတွက် နှစ်ကန့်သတ်ချက်တို့မှာ- Undergraduate Diploma နှင့် Postgraduate Diploma-တို့အတွက် တစ်နှစ်စီ၊ B.A (General)အတွက် သုံးနှစ်နှင့် B.A (Special) တန်းအတွက် လေးနှစ်၊ M.A တစ်နှစ်၊ M.Phil နှစ်နှစ်နှင့် Ph.D-အတွက် သုံးနှစ်-တို့ အသီးသီးဖြစ်ကြသည်။

BPU-တက္ကသိုလ်မှ B.A-တန်းကို အောင်မြင်ပြီးဆုံးသူများသည် အထူးအစီစဉ်အနေဖြင့် ဘွဲ့ယူစာ တမ်း (Dissertation Paper) တင်သွင်းရပြီး၊ နှစ်နှစ်သတ်မှတ်ထားသော M.A-တန်းကို တက်ရောက်လိုက တက်ရောက်နိုင်ပသည်။ ၄င်းမှာ စာသင်နှစ် တစ်နှစ်နှင့် ကျမ်းပြု တစ်နှစ် ဖြစ်သည်။

BPU-တက္ကသိုလ်တွင် မြန်မာရဟန်းတော်များ အပါအ၀င် နိုင်ငံတကာမှ ကျောင်းသား/သူများ တက်ရောက်ကြသည်။ မြန်မာရဟန်းတော်အများစုမှာမူ B.A (General)-ရိုးရိုးတန်းကိုသာ တက်ရောက်ကြ သည်။

B.A-ပထမနှစ်တွင် အတန်းများကို ရိုးရိုးတန်း(Genaral)နှင့် ဂုဏ်ထူးတန်း(Special)ဟူ၍ ခွဲခြား မထားပေ။ ပထမနှစ်ကို အောင်မြင်ပြီးနောက်မှသာ ဘာသာရပ်အလိုက် ရမှတ်များနှင့် ဂုဏ်ထူးထွက် ဘာသာရပ်များအပေါ် မူတည်ကာ ဒုတိယနှစ်တွင် ရိုးရိုးတန်းနှင့် ဂုဏ်ထူးတန်းဟု ကွဲသွားပြီး ဘာသာရပ် အချို့လည်း ပြောင်းသွားသည်။

စာသင်ကာလကို နှစ်စဉ် ဇန်န၀ါရီလတွင် စတင်လေ့ရှိပြီး နိုဝင်ဘာလတွင် ပြီးဆုံးသည်။ ကျောင်းအပ်ခြင်းများကို ဇန်န၀ါရီလမှာပင် စတင်လက်ခံပါသည်။ စာသင်နှစ် တစ်နှစ်တွင် Semester-ကို သုံးပိုင်းခွဲထားသည်။ B.A-အတန်းတိုင်းတွင် ဘာသာရပ်အားလုံးကို Assignment-နှစ်ခုစီ တင်သွင်းရသည်။

ဤတက္ကသိုလ်၏ စာမေးပွဲစနစ်မှာ တစ်နှစ်တစ်တန်းကို ပုံမှန်တက်သွားရပြီး၊ ကျသည့် ဘာသာရပ်များကို ပြန်ဖြေရခြင်မျိုးသည်။ ဥပမာအားဖြင့် ပထမနှစ် စာမေးပွဲကို ဖြေဆိုပြီး၍ အောင်စာရင်း ထွက်သည့်အခါ ဘာသာရပ်များ အားလုံးအောင်သည်ဖြစ်စေ၊ မအောင်သည်ဖြစ်စေ နောက်ပညာသင်နှစ် တစ်ခုကို စတင်ရာတွင် ဒုတိယနှစ်ကို တက်ရသည်။ နောက်ဆုံးစာမေးပွဲ ဖြေဆိုချိန်တွင်မူ ယမန်နှစ်က ကျရှုံးထားသော ဘာသာရပ်များကို သူ့ရက်နှင့်သူ ပြန်လည်ဖြေဆိုရခြင်း ဖြစ်သည်။ ဤနည်းအားဖြင့် ကျရှုံးထားသည့် ဘာသာရပ်များကို နှစ်နှစ်မှ သုံးနှစ်အထိ မအောင်မချင်း ပြန်လည်ဖြေဆိုခွင့် ရှိသည်။ မြန်မာနိုင်ငံတွင်မူ တစ်ဘာသာကျလျင်ပင် စာမေးပွဲကျသည်ဟု သတ်မှတ်ပြီး နောက်တစ်တန်းကို ဆက်တက်ခွင့် မရပေ။

BPU-တက္ကသိုလ်သည် တက္ကသိုလ်များ ဓနသဟာယအသင်း (The Association of Common-wealth University)၏ အဖွဲ့ဝင်တက္ကသိုလ် တစ်ခုဖြစ်သောကြောင့် သီရိလင်္ကာရှိ မြန်မာရဟန်းတော်များ တက်ရောက်နေကြသည့် အခြားတက္ကသိုလ်များနှင့်စာလျင် အတန်းတိုင်းအတွက် ဈေးအသက်သာဆုံး ဖြစ်သည်။ သို့တစေ သီရိလင်္ကာ တက္ကသိုလ်အများစု ထုံးစံအတိုင်း နိုင်ငံခြားကျောင်းသားများကို နေစရာ အဆောင် မပေးပါ။ စားရေးနေရေးတို့ကို မိမိတို့အစီစဉ်ဖြင့်သာ လုပ်ဆောင်ကြရသည်။

သီရိလင်္ကာသည် နိုင်ငံသားကို ဦးစားပေးလေ့ရှိသောကြောင့် ပြည်တွင်းကျောင်းသားများ ကိုမူ နေစရာအဆောင် စသည်တို့ပေးပါသည်။ မည်သည့်အကြောင်းကြောင့်ဖြစ်ဖြစ် မည်သည့်နေရာတွင်ဖြစ်ဖြစ် ကျောင်းသားခြင်းပင် တူစေကာမူ နိုင်ငံသားကို ဦးစားပေးသည် ကိုသာ တွေ့မြင်ရမည်ဖြစ်သည်။

B.A-တန်းများအတွက် Registration Fee-မှာ အမေရိကန်ဒေါ်လာ နှစ်ဆယ်ဖြစ်ပြီး၊ နှစ်စဉ်သွင်းရ သည်။ Academic Fee-မှာ B.A-သုံးနှစ်လုံးပေါင်းမှ အမေရိကန်ဒေါ်လာ ငါးရာခန့်သာဖြစ်သည်။

Postgraduate-အတန်များအတွက် Academic Fees-များမှာ M.A-အတွက် အမေရိကန်ဒေါ်လာ တစ်ရာ့ငါးဆယ်၊ M.Phil-အတွက် အမေရိကန်ဒေါ်လာ နှစ်ရာ့ခုနှစ်ဆယ်နှင့် Ph.D-အတွက် အမေရိကန် ဒေါ်လာ လေးရာ့နှစ်ဆယ်-တို့ အသီးသီးဖြစ်ကြသည်။

B.A-တန်းကို မြန်မာနိုင်ငံမှ အစိုးရပထမကြီးတန်းကို အောင်မြင်လျင် တက်ရောက်နိုင်ပြီး၊ M.A- တန်းကိုမူ အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြုတက္ကသိုလ်၊ နိုင်ငံတော် ပရိယတ္တိ သာသနာ့ တက္ကသိုလ် (ရန်ကုန်-မန္တလေး)၊ သီတဂူကမ္ဘာ့ဗုဒ္ဓတက္ကသိုလ်နှင့် ဗုဒ္ဓတက္ကသိုလ် (ရန်ကုန်-မန္တလေး) ဘီအေ အောင်လက်မှတ်တို့ဖြင့် တိုက်ရိုက်တက်ရောက်နိုင်ပါသည်။ အစိုးရ သာသနဓဇဓမ္မာစရိယ ဘွဲ့ဖြင့်လည်း တိုက်ရိုက်ပင် တက်ရောက်နိုင်ပါသည်။ သို့ရာတွင် ယင်းဘွဲ့လက်မှတ်ကို Notary-လုပ်ခဲ့ဖို့လိုပါသည်။

ယခုနောက်ပိုင်းနှစ်များတွင် M.A-တန်းကို ၁-နှစ်တန်းနှင့် ၂-နှစ်တန်းဟု နှစ်မျိုးခွဲထားသည်။ ၂- နှစ်တန်းကို BPU-တက္ကသိုလ်မှ B.A-တန်းပြီးသူများသာ တက်ရောက်ခွင့်ရှိကြောင်းသိရသည်။ မည်သို့ပင် ဖြစ်စေ မြန်မာရဟန်းတော်များ B.A-တန်းတွင် တက်ရောက်သူ များပြားသော်လည်း M.A-တန်းကိုမူ တက်ရောက်သူ အတော်နည်းသည်။ M.A-တစ်နှစ်တန်းတွင် ဘာသာရပ်ငါးခုသင်ယူရပြီး ဘာသာရပ် လေးခုမှာ မယူမနေရဘာသာရပ် (Compulsory Subject) များဖြစ်သည်။ ဘာသာရပ်တစ်ခုသာလျင် စိတ်ကြိုက်ဘာသာ (Optional Subject)အဖြစ် အပိုပေးထားသည့် ဘာသာရပ်နှစ်ခုတည်းမှ ရွေးချယ် နိုင်ပါသည်။

M.A-တစ်နှစ်တွင် ဘွဲ့ယူစာတမ်း (Dissertation)ကို တင်သွင်းစရာမလိုပါ။ ကျောင်းတက်ရက် မှာလည်း တနင်္ဂနွေတစ်ရက်တည်းသာ တက်ရပြီး၊ နံက်ကိုးနာရီမှ ညနေသုံးနာရီအထိ တက်ရသည်။ မြန်မာရဟန်းတော်အများစုသည် BPU-တက္ကသိုလ်၏ M.A-တစ်နှစ်တန်းတွင် မတက်ရောက်ကြပါ။ အနည်းစုသာ တက်ရောက်ကြပါသည်။ M.A-နှစ်နှစ်တန်းတွင်မူ Thesis-ရေးရမည်ဖြစ်ပြီး ၂၀၁၀/၁၁-ခုနှစ်တွင်မှ စတင်ချဲ့ထွင်ခဲ့ခြင်းဖြစ်သည်။

မည်သည့်အတန်းတွင်ဖြစ်ဖြစ် တက်ရောက်လိုသူများသည် အဓိကအားဖြင့် မိမိသင်ယူမည့် ကြားခံဘာသာစကား (Medium Language)ကို အထိုက်အလျောက် ကျွမ်းကျွမ်းကျင်ကျင် ရှိထားရပါမည်။ မြန်မာရဟန်းတော်များသည် (English Medium)တွင်သာ တက်ရောက်လေ့ ရှိကြသောကြောင့် M.A-တန်း ကိုသာမက B.A-တန်းကို တက်ရောက်လိုသူများပါ အင်္ဂလိပ်စာနှင့် စကားကို သေချာပြင်ဆင်ခဲ့ဖို့လိုကြောင်း အကြံပြုလိုက်ရပေသည်။    ။

မေတ္တာဖြင့်-

              အရှင်ဥတ္တမာနန္ဒ (ပေရာဒေနိယတက္ကသိုလ်)

                  Friday, September 09, 2011

ကိုးကား။        ။

1.    1. Buddhist and Pali University of Sri Lanka, 2010

2.    2. ဥုတ်လှငယ်၊ BPU-တက္ကသိုလ်မိတ်ဆက်၊ လင်္ကာတမန်မဂ္ဂဇင်း၊ ၂၀၀၉။

3.    3. အရှင်ကေ၀လ၊ BPU-တက္ကသိုလ်၊ လင်္ကာတမန်မဂ္ဂဇင်း၊ ၂၀၁၀။

4.    4. M.A Degree Examination, Syllabus of Buddhist Studies (BPU), 2011

5.    http://www.bpu.ac.lk/

၂၀၁၁-နေ့စွဲများ

ကေလနိယတက္ကသိုလ် လမ်းညွှန်

          သီရိလင်္ကာနိုင်ငံ၊ ကိုလမ်ဘိုမြို့တွင်ရှိသော ကေလ နိယတက္ကသိုလ်သည် မြန်မာရဟန်းတော်များ အစဦးဆုံး တက်ရောက်ခဲ့၊ ခြေချခဲ့သည့်တက္ကသိုလ်ဖြစ်သည်။ လက်ရှိ အချိန်တွင်လည်း သီရိလင်္ကာရှိ အခြားခြားသော တက္က သိုလ်များထက် မြန်မာရဟန်းတော်များသည် ကေလနိယ တက္ကသိုလ်တွင်သာ အများဆုံးတက်ရောက်ကြပြီး၊ ယခု နောက်ပိုင်း နှစ်စဉ်တက်ရောက်နေသည့် မြန်မာရဟန်း တော် ဦးရေမှာ ၈၀-မှ ၁၀၀-ကြားတွင်ရှိသည်။

          ကေလနိယ တက္ကသိုလ်ကို ၁၈၉၅-ခုနှစ်တွင် ရဟန်း၊ သာမဏေ များကိုသာ သီးသန့်သင်ကြားပေးသည့် ၀ိဇ္ဇာလင်္ကာရစာသင်တိုက် (Vidyalan- kara Privena)မှ စတင်ခဲ့ခြင်းဖြစ်သည်။ ၁၉၅၉-ခုနှစ်တွင် ၀ိဇ္ဇာလင်္ကာရတက္ကသိုလ် (Vidyalank- ara University)အဖြစ် စတင်ပြောင်း လဲခဲ့သည်။ ၁၉၇၂-ခုနှစ်တွင် စီလွန်တက္ကသိုလ် (University of Ceylon)၏ ၀ိဇ္ဇာလင်္ကာရတက္ကသိုလ်ခွဲ (Vidyalankara Campus)အဖြစ် ရပ် တည်ခဲ့ပြီး၊ ၁၉၇၈-ခုနှစ်မှ စတင်ကာ ကေလနိယတက္ကသိုလ်အဖြစ် ကိုယ်ပိုင် ရပ်တည်ခဲ့သည်။

          ယနေ့အချိန်တွင် ကေလနိယတက္ကသိုလ်သည် ရဟန်းတော်တို့အတွက် ဗုဒ္ဓစာပေများ သာမက ကျောင်းသူ/သားတို့အတွက် အသက်မွေးဝမ်းကျောင်း ဘာသာရပ်များဖြစ်သော ဆေး၊ သိပ္ပံ၊ နည်းပညာ စသည့် ဘာသာရပ်ပေါင်းစုံကို သင်ကြားပေးနေသည့် တက္ကသိုလ်ကြီး တစ်ခုဖြစ်သည်။ မဟာဌာနကြီး (Faculty) ၆-ခုနှင့်၊ ယင်းဌာနကြီးများ အသီးသီးအောက်တွင် သမိုင်း၊ ဒဿန၊ စီးပွားစီမံ၊ လူမှုရေး၊ ဗိသုကာ စသော ဌာန(Department)ပေါင်းစွာရှိသည်။

          ထို့ပြင် ကေလနိယတက္ကသိုလ်၏ ပင်မှပနယ်မြေမှ သီခြားခွဲထုတ် ဖွင့်လှစ်ပေးထားသော လက် အောက်ခံ ဘွဲ့လွန်တက္ကသိုလ် (Post Graduate Institutes) သုံးခုရှိသည်။ ၄င်းတို့မှာ-

၁။ Gampaha Wickramarachchi Ayurveda Institute

၂။ Post Graduate Institute of Archaeology နှင့်

၃။ Post Graduate Institute of Pali and Buddhist Studies တို့ဖြစ်ကြသည်။

          ယင်းတို့အထဲမှ (PGIPBS)-ဟု အတိုကောက်ခေါ်သော ပါဠိနှင့် ဗုဒ္ဓစာပေလေ့လာမှုဆိုင်ရာ ဘွဲ့လွန် တက္ကသိုလ် (Post Graduate Institute of Pali and Buddhist Studies)တွင်သာ မြန်မာရဟန်းတော်များ အများဆုံး တက်ရောက်နေကြသည်။ ပင်မတက္ကသိုလ်ကြီးတွင် ဗုဒ္ဓစာပေဆိုင်ရာ သင်ကြားမှုနှင့်ပတ်သက်၍ ဘီအေတန်း အထိသာရှိပြီး ဘွဲ့လွန်ကျောင်းသားများနှင့် သုတေသနကျောင်းသားများအားလုံး ဤ ဘွဲ့လွန် တက္ကသိုလ်တွင်သာ ဆက်လက်လေ့လာ သင်ယူရသည်။ ပင်မတက္ကသိုလ်ကြီးတွင် ဘီအေတန်းမှ စတင် တက်ရောက်သည့် မြန်မာရဟန်းတော် အချို့လည်းရှိသည်။

          ဤဘွဲ့လွန်တက္ကသိုလ် (PGIPBS)တွင် သင်ကြားပို့ချပေးသည့်အတန်း လေးတန်းနှင့် ယင်းတို့ အောက်တွင် အခြားတန်းခွဲများလည်း အသီးသီးရှိသည်။ ၄င်းတို့မှာ-

၁။ Post Graduate Diploma Courses (၁-နှစ်သင်တန်းများ)

          (၁) Post Graduate Diploma in Buddhist Studies

          (၂) Post Graduate Diploma in Pali

          (၃) Post Graduate Diploma in Buddhist Ayurvedic Counseling 

၂။ Master Degree Programs (၁-နှစ်)

          (၁) Master of Arts (M.A) Degree in Buddhist Studies

(၂) Master of Arts (M.A) Degree in Pali

(၃) Master of Arts (M.A) Degree in Buddhist Ayurvedic Counseling

၃။ Master of Philosophy in Buddhist Studies (M.Phil) (၂-နှစ်)

၎။ Doctor of Philosophy in Buddhist Studies (Ph.D) (၃-နှစ်) တို့ဖြစ်ကြသည်။

          အထက်ပါအတန်းတို့တွင် မြန်မာရဟန်းတော်များသည် (Buddhist Studies) တခုတည်းကိုသာ တက်ရောက်နေကြသည်။ ထိုအထဲတွင်လည်း Master of Arts (M.A) Degree in Buddhist Studies-တွင် အများဆုံးဖြစ်သည်။ မြန်မာပြည်မှ လောကီဘွဲ့ရသူများမှာ မြန်မာစာအဓိကဖြင့် ဘွဲ့ရသူမှတစ်ပါး အခြားသူများ အားလုံးသည် အမ်အေတန်းကို တိုက်ရိုက်တက်ခွင့်မရဘဲ အမ်အေဒီပလိုမာတန်း (Post Graduate Diploma in Buddhist Studies)ကို တစ်နှစ်တက်ရောက်ရသည်။ အောင်မြင်ပြီးမှ အမ်အေန်းကို တက်ခွင့်ရသည်။

          အမ်အေဒီပလိုမာတန်း နောက်ဆုံးစာမေးပွဲမဖြေဆိုမီ စာလုံးရေ အနည်းဆုံး သုံးထောင်ခန့်ရှိသည့် စာတမ်း(Dissertation)ကို တင်သွင်းရသည်။ အမ်အေတမ်းအတွက်မူ အနည်းဆုံးစာလုံးရေ ငါးထောင်ခန့် ရှိသည့်စာတမ်းကို တင်သွင်းရသည်။

          နှစ်စဉ် ဇန္န၀ါရီလတွင် ကျောင်းအပ်ခြင်းများကို စတင်လက်ခံပြီး၊ စာသင်ကာလမှာ ဖေဖော်ဝါရီလမှ ဒီဇင်ဘာလအထိဖြစ်သည်။ စာသင်ချိန်ကာလကို အပိုင်း (1^st, 2^nd, 3^rd -Semester) ၃-ခု ခွဲထားသည်။ Semester-တစ်ခုလျှင် နှစ်လခွဲခန့်ကြာမြင့်ပြီး ယင်းကြားကာလတွင် တစ်လခန့်စီ ကျောင်းပိတ်ပေး သည်။ ကျောင်းတက်ရက်မှာ တစ်ပတ်လျှင် ၃-ရက် သို့မဟုတ် ၄-ရက်ဖြစ်သည်။

           1^st Semester ကျောင်းတက်ကာလတွင် တက္ကသိုလ်မှ သင်ကြားပေးသည့် ဘာသာရပ်များအားလုံး တက်ရောက်ရသည်။ တက္ကသိုလ်၏ ထူးခြားချက်တစ်ခုမှာ သင်ကြားပေးသည့် ဘာသာရပ်များကို မယူမနေရ ဘာသာရပ် (Compulsory Subject)နှင့် စိတ်ကြိုက်ရွေးချယ်နိုင်သည့် ဘာသာရပ် (Optional Subject)ဟု ခွဲခြားထားခြင်းဖြစ်သည်။ ယင်းတို့အထဲတွင် စိတ်ကြိုက်ရွေးချယ်နိုင်သည့် ဘာသာရပ်များထဲမှ မိမိတို့ ရွေးချယ်ထားသည့် ဘာသာရပ်များကို ဤကျောင်းတက်ကာလ၏ နောက်ဆုံးအပတ်တွင် တက္ကသိုလ် မော်ကွန်းထိန်းဌာနသို့ မိမိကျောင်းသားနံပါတ်၊ နေရပ်လိပ်စာတို့နှင့်အတူ လက်မှတ်ထိုး ကာ ဖောင်ဖြည့်ပြီး တင်သွင်းရသည်။

          2^nd Semester ကျောင်းတက်ကာလတွင် မယူမနေရဘာသာရပ်များအပါအ၀င် မိမိတို့ စိတ်ကြိုက် ရွေးချယ်ထားသည့် ဘာသာရပ်များကိုသာ တက်ရောက်သင်ယူရတော့သည်။ မိမိရွေးချယ်ထားသည် မှတစ်ပါး အခြားဘာသာရပ်များကို ဗဟုသုတအဖြစ် တက်ရောက်လိုပါကလည်း တက်ရောက်နိုင်ပါသည်။ ဤစာသင်ကာလ၏ နောက်ဆုံးအပတ်တွင် မိမိတို့ရေးသားမည့် စာတမ်း၏ အဆိုပြုလွှာ(Proposal) ကို ကျောင်းသားနံပါတ်၊ လက်မှတ်၊ နေရပ်လိပ်စာတို့နှင့် အတူ မော်ကွန်းထိန်းဌာနသို့ တင်သွင်းရသည်။

3^rd Semester ကျောင်းတက်ကာလတွင် မိမိတို့တင်သွင်းထားသည့် စာတမ်းအဆိုပြုလွှာများကို ပြန်လည်တောင်းယူရသည်။ သက်ဆိုင်ရာ တာဝန်ကျဆရာ(Supervisor) ၏ ထောက်ခံချက်(Recommend) လက်မှတ်ကိုရလျှင် စာတမ်းကို ဆက်လက်ရေးသားနိုင်ပြီး၊ ထောက်ခံချက် မရသူများသည် ဆရာနှင့် တွေ့ဆုံ ကာ ပြန်လည်ပြင်ဆင်ရသည်။ ထိုနောက်မှ စာတမ်းကို ဆက်လက်ရေးသားရသည်။ အဆိုပါစာတမ်းကို ဤ စာသင်ကာလ၏ နောက်ဆုံးအပတ် သို့မဟုတ် စာမေးပွဲမဖြေဆိုမီ တစ်ပတ်အလိုအတွင်း တင်သွင်းနိုင်သည်။ စာတမ်းများစီလျော်မှုမရှိလျှင် ပြန်လည်ပြင်ဆင်ရခြင်းများ လုပ်ရတတ်၍ စောစောတင်ထားနိုင်လျှင် စာမေးပွဲအတွက် အနှောက်အယှက် မဖြစ်နိုင်တော့ပေ။ သို့မဟုတ်ပါက စာမေးပွဲအတွက် ပြင်ဆင်နေချိန် တွင် ဆရာနှင့် သွားရောက်တွေ့ဆုံရခြင်း များ ပြင်ဆင်ရခြင်းများ စသည်တို့ကို လုပ်ဆောင်ရတတ်သည်။

ဤစာသင်ကာလ၏ နောက်ဆုံးအပတ်ထဲတွင်ပင် သန်းတန်းကြေးများအပါဝင် သွင်းစရာရှိသည့် အထွေထွေကြေးများအားလုံးကို အပြီးသတ်သွင်းရသည်။ ကျောင်းသားများသည် ကျောင်းအပ်စဉ်က သင်တန်းကြေးကို သုံးပုံတစ်ပုံသာ သွင်းထားကြသောကြောင့်ဖြစ်သည်။ ကြေးအပြည့်အစုံ မသွင်းသူများနှင့် စာတမ်းမတင်သွင်းနိုင်သူများ နောက်ဆုံးစာမေးပွဲကြီးကို ဖြေဆိုခွင့်ရမည်မဟုတ်ပေ။

ပါဠိနှင့် ဗုဒ္ဓစာပေလေ့လာမှုဆိုင်ရာ ဘွဲ့လွန်ဌာန၊ ကေလနိယတက္ကသိုလ် {Post Graduate Institute of Pali and Buddhist Studies (PGIPBS), University of Kelaniya}၊ အမ်အေတန်းတွင် တက်ရောက်လိုသည့် မြန်မာရဟန်းတော်များသည် အပြည်ပြည်ဆိုင်ရာ ထေရ၀ါဒ သာသနာပြု တက္ကသိုလ်၊ နိုင်ငံတော် ပရိယတ္တိ သာသနာ့တက္ကသိုလ် (ရန်ကုန်-မန္တလေး)၊ သီတဂူ ကမ္ဘာ့ဗုဒ္ဓတက္ကသိုလ်၊ ဆရာကြီး ဦးမြင့်ဆွေ တည်ထောင်ဖွင့်လှစ်သည့် ဗုဒ္ဓတက္ကသိုလ် (ရန်ကုန်-မန္တလေး)တို့၏ ဘီဘေဘွဲ့တို့ဖြင့် တိုက်ရိုက် တက်ခွင့်ရသည်။ အစိုးရ သာသနဓဇ ဓမ္မာစရိယဘွဲ့ ရထားသူများလည်း တိုက်ရိုက်တက်ခွင့်ရှိပါသည်။ သို့ရာတွင် အဆိုပါလက်မှတ်ကို Notary-ပြုလုပ်ခဲ့ဖို့လိုပါသည်။

မြန်မာပြည်မှ မည်သည့်ဘွဲဖြင့်ပင်လာစေကာမူ သီရိလင်္ကာရောက်လျှင် အမ်အေတန်းကနေသာ စတင်တက်ရောက်လေ့ရှိသည်။ M.Phil-နှင့် Ph.D-တန်းတို့ကို တိုက်ရိုက်တက်ရောက်သူများ မရှိပါ။ အိန္ဒိယတက္ကသိုလ်များနှင့် မတူသည့်ထုံးစံမှာ M.A-တန်းကိုပြီးသော်လည်း Ph.D‑ကို တိုက်ရိုက်လုပ်ခွင့်မရှိပါ။ M.Phil-ကို အရင်လုပ်ပြီး အရည်အချင်းပြည့်မှီလျှင် ၆-လမှ ၁-နှစ်အတွင်း Ph.D-ကို Upgrade‑လုပ်ရသည်။ ယင်း M.Phil-နှင့် Ph.D-တန်းတို့အတွက် ကျောင်းအပ်ချိန် သီးသန့်မရှိပါ။ တစ်နှစ်ပတ်လုံး ကျောင်းအပ်နိုင် ပါသည်။

အထွေထွေကြေးများမှာ မည်သည့်အတန်းအတွက်မဆို ကျောင်းအပ်ကြေး (Registration Fee) သီရိလင်္ကာရူပီး တစ်ထောင်၊ စာကြည့်တိုက်ကြေး သီရိလကာင်္ရူပီးတစ်ထောင် တို့ဖြစ်သည်။ ဤကြေးများကို နှစ်စဉ်သွင်းရသည်။

သင်တန်းကြေး (Academic Fee)များမှာ M.A Diploma-တန်းအတွက် အမေရိကန်ဒေါ်လာ ၅၅၀၊ M.A-တန်းအတွက် အမေရိကန်ဒေါ်လာ ၆၀၀၊ M.Phil-အတွက် အမေရိကန်ဒေါ်လာ ၈၀၀၊နှင့် Ph.D- အတွက် အမေရိကန်ဒေါ်လာ ၉၀၀၊ အသီးသီးဖြစ်သည်။ ဤကြေးများကိုလည်း နှစ်စဉ်သွင်းရသည်။ M.Phil- နှင့် Ph.D လုပ်နေသော ကျောင်းသားများသည် Academic Fees-များကို တစ်နှစ်တာအတွက် တစ်ခါတည်း မသွင်းနိုင် သုံးကြိမ်အထိအရစ်ကျ သွင်းနိုင်ပါသည်။ သို့ရာတွင် ပညာသင်နှစ် တစ်ခုပြီးဆုံးလျှင် တစ်နှစ်တာ ပေးသွင်းရမည့် ကြေးများ အားလုံးကို အပြီးသွင်းရမည်ဖြစ်သည်။

 M.A Diploma-တန်းနှင့် M.A-တန်းတို့ကို ကျရှုံးပြီး ပြန်ဖြေလိုသူများသည် အမေရိကန်ဒေါ်လာ ၅၀၊ ကျောင်းအပ်ကြေးနှင့် စာကြည့်တိုက်ကြေး သီရိလင်္ကာရူပီး တစ်ထောင်စီသာ ထပ်သွင်းရသည်။ ထိုပြင် စာတမ်းကိုလည်း ထပ်မံလုပ်စရာမလိုတော့ဘဲ စာမေးပွဲသီးသန့်သာ ဖြေရတော့သည်။ ကျောင်းမတက်ဘဲ အပြင်ဖြေအနေဖြင့် ဖြေဆိုနိုင်သည်။ သို့ရာတွင် မိမိကျရှုံးခဲ့သောနှစ်က ဘာသာရပ်များအတိုင်းသာ ဖြေဆိုရ သည်။ ထိုဘာသာရပ်များ ယခုပြန်ဖြေမည့်နှစ်တွင် မပါလာခဲ့သော် နှစ်သစ်သမားများကဲ့သို့ ပြန်ပြောင်းခွင့် မရှိပါ။  

သီရိလင်္ကာတွင် ကျောင်းတက်နေသော မြန်မာရဟန်းတော်များသည် နေရေးထိုင်ရေးအတွက် ကိုယ့် အစီစဉ်နှင့်ကိုယ် ပြုလုပ်ကြရသည်။ အချို့က အဆောင်ငှားနေကြ၍ အချို့က ဒေသခံဘုန်းကြီးကျောင်း များတွင် အဆင်သင့်သလို နေထိုင်ကြရသည်။ မကုဋာရာမ မြန်မာကျောင်းတိုက်တွင် အမြဲနေ စာသင်မြန်မာ သံဃာတော်များ ၆၀-ကျော်ရှိသည်။ ထိုအထဲမှ အချို့က အမိမြန်မာပြည်စသဖြင့် အပြီးတိုင်ပြန်လည်ကြွ၍ နေရာလပ်သည့်အခါ သီရိလင်္ကာကိုရောက်သည့် မိမိတို့အစဉ်အတိုင်း ကြီး၊ငယ်မရွေးနေထိုင်လိုက နေထိုင် နိုင်ပြီး၊ မနေလိုကလည်း နောက်အလှည့်ကျသူကို လွှဲနိုင်ပါသည်။

အဆောင်ငှါးနေသူတို့မှာ တစ်လလျှင် အဆောင်စရိတ်၊ အစားစရိတ်နှင့် အထွေထွေ အသုံးစရိတ် တို့အတွက် အမေရိကန်ဒေါ်လာ တစ်ရာ၊ တစ်ရာကျော်ခန့် ကုန်ကျပြီး၊ နေသည့်နေရာနှင့် တက္ကသိုလ်က တစ်နေရာစီဖြစ်နေလျှင် ထိုထက်မက ကုန်ကျပါသည်။

မည်သို့ဆိုစေ “၀န်နှင့်အား၊လေးနှင့်မြား”ကိုချိန်ဆပြီး နိုင်ငံခြားတွင်ပညာသင်ရင်း မိမိတို့လိုရာ ပန်းတိုင်ခရီးကို ရောက်အောင်သွားနိုင်ကြပါစေဟု ဆန္ဒပြုလိုက်ပါသည်။

မေတ္တာဖြင့်-

      အရှင်ဥတ္တမာနန္ဒ (ပေရာဒေနိယတက္ကသိုလ်)

           Sunday, September 04, 2011

Ref;

1.    http://www.kln.ac.lk/

2.    http://www.kln.ac.lk/index.php/-academic-faculties

3.    http://www.kln.ac.lk/index.php/institutes

4.    http://www.kln.ac.lk/institutes/pgipbs/index.html (ဦးစားပေးကြည့်သင့်သည့်လင့်ခ်)

5.    ကေလနိယတက္ကသိုလ် (ဥုတ်လေး)၊ လင်္ကာတမန်မဂ္ဂဇင်း၊ ၂၀၀၉။

6.    ကေလနိယတက္ကသိုလ်၊ အရှင်သောဘိတဓမ္မ (ဓမ္မစေတီဖောင်ဒေးရှင်း)။ လင်္ကာတမန်မဂ္ဂဇင်း၊ ၂၀၁၀။

7.    သူတို့လျှောက်သောလမ်း၊ အရှင်ဥတ္တမာနန္ဒ (ကေလနိယတက္ကသိုလ်)၊ ၂၀၁၀။

၂၀၁၁-နေ့စွဲများ

ပေရာဒေနိယတက္ကသိုလ် လမ်းညွှန်

          ထေရ၀ါဒ ဗုဒ္ဓဘာသာကို အထူးဦးစားပေးသည့်အားလျှော်စွာ သီရိလင်္ကာနိုင်ငံရှိ တက္ကသိုလ်၊ ကောလိပ်တိုင်းလိုလိုတွင် ဗုဒ္ဓစာပေ လေ့လာရေးဆိုင်ရာဋ္ဌာနများ ထည့်သွင်းထားသည်။ ထိုအထဲတွင် မြန်မာ ရဟန်းတော်များ တက်ရောက်နေသည့် တက္ကသိုလ်များမှာ အောက်ပါ အတိုင်းဖြစ်သည်။

၁။ ပေရာဒေနိယတက္ကသိုလ် {University of Peradeniya}

၂။ ပါဠိနှင့်ဗုဒ္ဓဘာသာဆိုင်ရာ လေ့လာသင်ကြားရေး ဘွဲ့လွန်တက္ကသိုလ်၊ (ကေလနိယ) {Post Graduate Institute of Pali and Buddhist Studies, University of Kelaniya}

၃။ ဗုဒ္ဓဘာသာနှင့်ပါဠိစာပေလေ့လာသင်ကြားရေးတက္ကသိုလ် {Buddhist and Pali University (BPU)}

၎။ သီရိလင်္ကာ အပြည်ပြည်ဆိုင်ရာ ဗုဒ္ဓတက္ကသိုလ် {Sri Lanka International Buddhist Academy (SIBA)} နှင့်

၅။ အကွိုင်းနစ် ကောလိပ် (Aquinas College of Higher Studies)-တို့ဖြစ်သည်။

          သီရိလင်္ကာနိုင်ငံသို့ ပညာသင်ကြွလိုကြသော ညီတော်/နောင်တော်တို့အတွက် ယင်းတက္ကသိုလ်များ အထဲမှ တစ်ခုချင်းဆီကို သတင်းဆောင်းပါးအနေဖြင့်  တင်ပြသွားမည်ဖြစ်ပါသည်။

          ပေရာဒေနိယတက္ကသိုလ်သည် ၁၉၄၂-ခုနှစ်တွင် စီလုံတက္ကသိုလ်၏ အခွဲအဖြစ် စတင်ခဲ့သည်။ ၁၉၇၂-ခုနှစ်တွင် စီလုံတက္ကသိုလ်ကို သီရိလင်္ကာတက္ကသိုလ်အဖြစ် ပြောင်းလဲခဲ့ရာတွင်လည်း ယင်း တက္ကသိုလ်၏ နယ်မြေခွဲအဖြစ်ပင် ဆက်လက်ရပ်တည်ခဲ့သည်။ ၁၉၇၈-ခုတွင်မူ သီးခြား ရပ်တည်နိုင် သည့် ပေရာဒေနိယ တက္ကသိုလ် ဖြစ်လာခဲ့သည်။

          ပေရာဒေနိယတက္ကသိုလ်သည် သီရိလင်္ကာနိုင်ငံရှိ တက္ကသိုလ်များတွင် အကြီးမား၊ အကျယ်ဝန်းဆုံး ဖြစ်ပြီး တက္ကသိုလ်ဧရိယာမှာ ၁၇၂၉-ဧကကျော်ရှိသည်။ ကိုလမ်ဘိုမြို့မှ ကီလိုမီတာ ၁၀၀-ခန့်အကွာ ပေရာ ဒေနိယမြို့တွင် တည်ရှိပြီး၊ ဗုဒ္ဓမြတ်စွယ်တော်ထားရှိရာ ကန္ဒီမြို့နှင့် ၈-ကီလိုမီတာအကွာတွင်ရှိသည်။ ကား၊ ရထားတို့ဖြင့် လွယ်လင့်တကူ သွားလာနိုင်သည်။

          ပေရာဒေနိယသည် တက္ကသိုလ်ကြီးတစ်ခု ဖြစ်သည်နှင့်အညီ စာအုပ်၊စာတမ်းနှင့် မှတ်တမ်း မှတ်ရာ ပေါင်း ၄၀၅၀၀-ကျော်ရှိသော စာကြည့်တိုက်ကြီးရှိသည်။ မဟာဌာနကြီး (Faculty) ၈-ခုရှိပြီး၊ ယင်းတို့ အသီးသီးအောက်တွင် ဌာနခွဲ(Department)ပေါင်း များစွာရှိသည်။ (ဘွဲ့လွန်တက္ကသိုလ်ခွဲနှစ်ခုနှင့် အခြား သော လူ့အခွင့်ရေးလေ့လာမှုဆိုင်ရာစသော စင်တာများလည်းရှိသည်)။ မဟာဌာနကြီး ၈-ခုမှာ-

၁။ Faculty of Agriculture

၂။ Faculty of Allied Health Sciences

၃။ Faculty of Arts

၎။ Faculty of Dental Science

၅။ Faculty of Engineering

၆။ Faculty of Medicine

၇။ Faculty of Science

၈။ Faculty of Veterinary Medicine and Animal Science-တို့ဖြစ်သည်။

          မဟာဝိဇ္ဇာဌာန (Faculty of Arts) အောက်တွင် ဌာနခွဲပေါင်း ၁၇-ခုရှိပြီး၊ ယင်းတို့အထဲတွင် ပါဠိနှင့် ဗုဒ္ဓဘာသာ လေ့လာသင်ကြားရေးဋ္ဌာန (Department of Pali and Buddhist Studies)လည်း ပါဝင်သည်။ ဤဌာနတွင်သာ မြန်မာရဟန်းတော်များ တက်ရောက်သင်ယူနေကြသည်။

          ပေရာဒေနိယတက္ကသိုလ် မဟာဝိဇ္ဇာဌာနအောက်ရှိ ပါဠိနှင့်ဗုဒ္ဓဘာသာ လေ့လာသင်ကြားရေးဋ္ဌာနတွင် အမ်အေ (M.A)နှစ်မျိုးရှိသည်။ ပထမတစ်မျိုးတွင် ဘာသာရပ် ၆-ခု သင်ယူရပြီး ဘွဲ့ယူစာတမ်း (Dissertation) တင်သွင်းရ သည်။ စာသင်တစ်နှစ် ကျမ်းပြုတစ်နှစ် စုစုပေါင်း နှစ်နှစ်ဖြစ် သည်။ နောက်တစ်မျိုးမှာ ဘာသာရပ် ၈-ခုသင်ယူရပြီး စာ သင်နှစ် တစ်နှစ်တည်းသာဖြစ်သည်။ စာတမ်းပြုစုရန် မလိုအပ်ပါ။ မဟာဝိဇ္ဇာဌာနအတွက် ထုတ်ဝေသော တ က္ကသိုလ်လမ်းညွှန်စာအုပ်တွင် သုတေသနစာတမ်း ရေး သားရန် အချိန်လုံလုံလောက်လောက် မပေးနိုင်သော ကျောင်းသားများအနေဖြင့် စာတမ်း တင်သွင်းရခြင်းမရှိသည့် M.A-ကိုရွေးချယ်ရန် လေးလေးနက်နက် တိုက်တွန်းထားသည်ကို တွေ့ရသည်။

          အမ်အေတန်းနှစ်မျိုးလုံးအတွက် ကျောင်းတက်ရက်မှာ တစ်ပတ်လျှင် စနေနေ့တစ်ရက်သာ တက်ရ ပြီး တစ်နေကုန်တက်ရသည်။ စာသင်ကာလကို Semister-နှစ်ခုဖြင့် သတ်မှတ်ပြီး၊ တစ်ခုလျှင် ၆-လစီ သတ်မှတ်သည်။ စာမေးပွဲဖြေဆိုရာတွင် ကျသည့်ဘာသာရပ်ကို ပြန်ဖြေရသည်။  

          ပါဠိနှင့်ဗုဒ္ဓဘာသာလေ့လာရေးဌာနတွင် B.A-တန်းကို ဂုဏ်ထူးဖြင့် အောင်မြင်ခဲ့ပါက M.Phil-တန်း ကို တိုက်ရိုက်တက်ခွင့်ပြုထားသောကြောင့် M.A နှင့် M.Phil- တို့မှာ သင်ရိုးညွှန်းတမ်း တစ်ခုတည်း ဖြစ်သည်။ သင်တန်းများကိုမူ Pali Studies နှင့် Buddhist Studies-ဟူ၍ နှစ်မျိုးခွဲထားပါသည်။ မိမိတို့ကြိုက် နှစ်သက်ရာတွင် ကျောင်းအပ်နိုင်ပါသည်။ ၄င်းတို့မှာ-

၁။ Courses in Pali Studies (M.A, M.Phil)

PST 601- Editing and Translating Pali Texts

PST 602- Abhidhrama Literature

PST 603- Textual Study

PST 604- Vinaya Literature

PST 605- Pali Grammatical Literature

PST 606- Buddhist Sanskrit Texts

၂။ Courses in Buddhist Studies (M.A, M.Phil)

BST 601- Theravada Abhidhamma

BST 602- Buddhist Counseling Psychology

BST 603 Buddhist Thought and Current Social Problems

BST 604- The Buddha Concept

BST 605- Theravada Buddhist Soteriology

BST 606- Buddhist Arts and Architecture of Sri Lanka

BST 607- Buddhism in Contemporary Sri Lanka-တို့ဖြစ်သည်။

          M.Aနှင့်M.Philသင်တန်းယူ ကျောင်းသားများသည် နောက်ဆုံးစာမေးပွဲမဖြေဆိုမှီ ဘာသာရပ်တိုင်း အတွက် Assignment-နှစ်ခုစီကို တင်သွင်းရသည်။ စာမေးပွဲပြီးသောအခါမှ မိမိရေးသားမည့် စာတမ်းကို Presentation-လုပ်ပြီး အတည်ပြုချက်ယူရသည်။ ထိုနောက် မိမိကျမ်းကို Supervisor-လုပ်မည့်သူနှင့် ကျမ်းပြီးသည်အထိ ဆက်လက်လုပ်ဆောင်ရပြီး၊ နောက်ဆုံးကျမ်းတင်သွင်းရာတွင် Viva-ထိုင်ရသည်။

          အခြားတက္ကသိုလ်တစ်ခုခုမှ M.A-ဘွဲ့ရပြီး M.Phil- လုပ်မည့်သူများသည် ကျောင်းအပ်စဉ် ကတည်းကပင် ကျောင်းမတက်ဘဲ သုတေသနစာတမ်းကို တိုက်ရိုက်ရေး မည်ဖြစ်ကြောင်း မော်ကွန်းထိမ်းကို ပြောပြီး ကျောင်းအပ်ရသည်။ သို့မဟုတ်ပါက M.Phil-  ကျောင်းသားများ အနေဖြင့် ခြောက်လမှ တစ်နှစ်အ တွင်း ဒေါက်တာဘွဲ့ (PhD)-ကို Upgrade-လုပ်ရာတွင် အဟန့်အတားဖြစ်လာနိုင်သောကြောင့်ဖြစ်သည်။

          သုတေသနစာတမ်း တင်းသွင်းရသူများသည် M.A-ဘွဲ့အတွက် စာလုံးရေနှစ်သောင်း၊ M.Phil- ဘွဲ့ အတွက် စာလုံးရေလေးသောင်းမှ ခြောက်သောင်းအတွင်း တင်သွင်းရပြီး၊ PhD-ဘွဲ့အတွက် အနည်းဆုံး စာလုံးရေရှစ်သောင်း တင်သွင်းရသည်။

M.Phil-အတွက် ကျောင်းအပ်လိုသူများသည် ကျောင်းမအပ်မှီ သုတေသနစာတမ်း အဆိုပြုလွှာ (Synopsis)ကို ကိုယ်တိုင်ရေးပြီးယူသွားရသည်။ ဌာနမှူး သို့မဟုတ် တာဝန်ရှိသူ တစ်ယောက်ယောက် နှင့် တိုင်ပင်ပြီး အဆင်ပြေလောက်မှ ကျောင်းအပ်ရသည်။ သို့မဟုတ်ပါက PhD-ကို Upgrade-လုပ်ရာတွင် သတ်မှတ်ချိန်ကို ကျော်သွားနိုင်သောကြောင့် ဖြစ်သည်။

သီရိလင်္ကာရှိတက္ကသိုလ်များတွင် M.A-ပြီးစေကာမူ PhD-ကို တိုက်ရိုက်လုပ်သည့် ထုံးစံမရှိကြပါ။ M.Phil-ကို အရင်လုပ်ကြရပြီးမှ သတ်မှတ်ချိန် ကာလအတွင်း PhD-ကို Upgrade-လုပ်ရိုးထုံးစံရှိသည်။

M.Philနှင့် PhD-တို့ကို တစ်နှစ်ပတ်လုံးကျောင်းအပ်နိုင်သော်လည်း M.A-အတွက် ကျောင်းအပ် သူများသည် ပထမ ၆-လပတ်ကို စတင်လေ့ရှိသည့် စက်တင်ဘာလ မတိုင်မှီ ကျောင်းအပ်ထားရသည်။ ကျောင်းအပ်ရာတွင် သက်ဆိုင်ရာအတန်းအတွက် မိမိ၏ဘွဲ့လက်မှတ်ကို လက်ခံခြင်းရှိ-မရှိ ဌာနမှူးကို ရှေးဦးစွာမေးမြန်းရသည်။ ဌာနမှူး၏ အတည်ပြုချက်ကိုရလျှင် Post Graduate Unit-မှ လျှောက်လွှာ တောင်းကာ လိုအပ်သည်များဖြည့်စွက်ပြီး ဘွဲ့လက်မှတ်မိတ္တူနှင့်အတူ Post Graduate Unit-ကို ပြန်လည် တင်သွင်းရသည်။ တစ်လခန့်ကြာမှ တရားဝင်လျှောက်လွှာခေါ်စာကို စာတိုက်မှတဆင့် ပေးပို့သည်။ ထို လျှောက်လွှာကိုဖြည့်စွက်ပြီး ကျောင်းစရိတ်သွင်းကာ တရားဝင်ကျောင်းအပ်ခြင်းကိုပြုလုပ်ရသည်။

မြန်မာနိုင်ငံမှ အစိုးရဓမ္မာစရိယဘွဲ့လက်မှတ်အပါအ၀င် အပြည်ပြည်ဆိုင်ရာ ထေရာဝါဒ သာသနာပြု တက္ကသိုလ်၊ နိုင်ငံတော် ပရိယတ္တိသာသနာ့တက္ကသိုလ် (ရန်ကုန်-မန္တလေး)၊ သီတဂူ ကမ္ဘာ့ဗုဒ္ဓတက္ကသိုလ်နှင့် ဆရာကြီးဦးမြင့်ဆွေ တည်ထောင်ဖွင့်လှစ်သည့် ဗုဒ္ဓတက္ကသိုလ် (ရန်ကုန်-မန္တလေး) B.A-ဘွဲ့လက်မှတ်များကို အသိမှတ်ပြုလက်ခံပါသည်။ အစိုးရဓမ္မာစရိယဘွဲ့အတွက် Notary-ပြုလုပ်ခဲ့ဖို့လိုပါသည်။

မည်သည့်ဘွဲ့အတွက်မဆို ကျောင်းအပ်ကြေး (Registration Fee)-မှာ အမေရိကန်ဒေါ်လာ ၂၅၀- ဖြစ်ပြီး၊ ယင်းကြေးကို နှစ်စဉ်သွင်းရသည်။ စာကြည့်တိုက်ကြေးမှာ အမေရိကန်ဒေါ်လာ ၉၀-ဖြစ်သည်။ စာ ကြည့်တိုက်ကြေးကိုလည်း နှစ်စဉ်သွင်းရသည်။

Academic Fee-များမှာ M.A-အတွက် အမေရိကန် ဒေါ်လာ ၅၀၀၊ M.Phil-အတွက် အမေရိကန်ဒေါ်လာ ၅၀၀-နှင့် PhD-အတွက် အမေရိကန်ဒေါ်လာ ၇၅၀-တို့ဖြစ်သည်။ ဤကြေး များမှာ ထေရ၀ါဒနိုင်ငံမှ ရဟန်းတော်များနှင့် တောင်အာရှ အဖွဲ့ဝင်နိုင်ငံ(SAARC)များအတွက် အထူးလျှော့ထားသည့် ပမာဏဖြစ်သည်။

ဘွဲ့အသီးသီးအတွက် နှစ်ကန့်သတ်ချက်များမှာ- M.A- သုတေသနစာတမ်း မရေးသူများအတွက် ၁-နှစ်၊ ရေးမည့် သူများအတွက် ၂-နှစ်မှ ၃-နှစ်၊ M.Phil-အတွက် ၂-နှစ်မှ ၄-နှစ် အတွင်း၊ PhD-အတွက် ၃-နှစ်မှ ၇-နှစ်အတွင်း အသီးသီးဖြစ်သည်။

ဘွဲ့လွန်ကျောင်းသားများ ဖြစ်သည့်အလျောက် အဆောင်နှင့် စားသောက်ရေး စသည်တို့ကို တက္က သိုလ်မှ စီစဉ်ပေးမည်မဟုတ်ဘဲ ကိုယ့်အစီစဉ်နှင့်ကို စီစဉ်ရမည်ဖြစ်သည်။

မေတ္တာဖြင့်-

               အရှင်ဥတ္တမာနန္ဒ (ပေရာဒေနိယတက္ကသိုလ်)

                   Saturday, September 3, 2011

Ref;

1.    University of Peradeniya, Faculty of Arts, Post Graduate Prospectus

2.    http://www.pdn.ac.lk/

3.    http://www.pdn.ac.lk/uop/main/faculty_centers.html

4.    http://www.arts.pdn.ac.lk/pali/

5.    ပေရာဒေနိယတက္ကသိုလ် မိတ်ဆက်၊ အရှင်ပညာစာရ (ခင်ဦး)၊ လင်္ကာတမန်မဂ္ဂဇင်း၊ ၂၀၀၉။

6.    ပေရာဒေနိယတက္ကသိုလ်၊ အရှင်မာနိတ (ပေရာဒေနိယတက္ကသိုလ်)၊ လင်္ကာတမန်မဂ္ဂဇင်း၊ ၂၀၁၀။